گر کمیں گاہِ نظر میں دل تماشای نہ ہو
مرزا غالب
حسنِ بے پروا گرفتارِ خود آرای نہ ہو
گر کمیں گاہِ نظر میں دل تماشای نہ ہو
ہیچ ہے تاثیرِ عالم گیری ناز و ادا
ذوقِ عاشق گر اسیرِ دام گیرای نہ ہو
خود گدازِ شمع آغاز فروغِ شمع ہے
سوزشِ غم درپئے ذوق شکیبای نہ ہو
تار تارِ پیرہن ہے اک رگِ جانِ جنوں
عقلِ غیرت پیشہ حیرت سے تماشای نہ ہو
بزمِ کثرت عالمِ وحدت ہے بینا کے لیے
بے نیازِ عشق اسیر زور تنہای نہ ہو
ہے محبت رہزنِ ناموسِ انساں اے اسدؔ
قامتِ عاشق پہ کیوں ملبوس رسوای نہ ہو