نہ کوئی سقفِ منقش، نہ کوئی چترِ حریر

بس ایک تودۂ خاک

بس ایک اندھے گڑھے میں ہجومِ کرمکِ کور

نہ کوئی لوحِ مسطر، نہ کوئی خشتِ نشاں

نظامِ دنیا نے

مگر وہ اپنی فصیلِ خیال میں محصور

خروشِ برقِ سرِ نیستاں سے بے پروا

صدا بھی مرگِ صدا!

کبھی جو ڈھل بھی سکی تو ڈھلی بہ قالبِ حرف

ضمیرِ ارض پہ کھینچی گئی لہو کی لکیر

بہ مصحفِ احساس!

اور اس تمام فسانے کی اک بھی سطرِ حزیں

پکارتی رہیں پیہم کراہتی صدیاں

بہ گنبدِ الفاظ

الٹ سکی نہ مگر رخ سے پردۂ افسوں

یہیں پہ دفن ہے وہ جسم، وہ روایتِ خاک

کو چھو سکا نہ قلم!

دبے پڑے ہیں وہ لمحے جو رزقِ سم نہ بنے

یہیں پہ ریزۂ سل بن کے جم گئے ہیں وہ ہات

شرار چن نہ سکے !

تو آج ایک رگِ سنگ ہے وہ نبضِ تپاں

وہ زندگی کے تلاطم میں ڈوبتی ہوئی آگ

تمام گردِ کفن!

یہ سب درست، مگر پھر بھی اک سوال ہے آج

کوئی بتائے کہ اس وقت کیا کرے انساں

ستم کی سنگینیں

ہزار رینگتے کیڑوں کی سرسراہٹ ہے

یہ قبر طنز ہے ان لازوال ارادوں پر

مقدر وں پہ محیط!

نشان اس کا مٹاتے چلو زدِ پا سے !