مرے دیس کی ان زمینوں کے بیٹے ، جہاں صرف بے برگ پتھر ہیں، صدیوں سے تنہا

پہاڑوں کے بیٹے

سجل، دودھیا، نرم جسم ۔۔۔ اور کڑے کھردرے سانولے دل

چٹانوں سے گر کر خود اپنے ہی قدموں کی مٹی میں اپنا وطن ڈھونڈتے ہیں

جسے زندگی کے پسینوں میں ڈوبی ہوئی محنتیں دربدر ڈھونڈتی ہیں

جو اونچے پہاڑوں سے گرتی ہوئی ندیوں کے کناروں پہ شاداب شہروں میں رک کر

ندی بھی زرافشاں، دھواں بھی زرافشاں

ضمیروں کے قاتل اگر اس کو پرکھیں