امام بخش ناسخ

جان کیوں کر بچے گی فرقت میں
ہیں عدو سیکڑوں حبیب نہیں
گو یہ غم ہے کہ وہ حبیب نہیں
پر خوشی ہے کوئی رقیب نہیں

شیخ ابراہیم ذوق

کیا حبیب کو مجھ سے جدا فلک نے مگر
نہ کر سکا مرے دل سے غم حبیب جدا

مصطفٰیٰ خان شیفتہ

ہم پر ہے التفات ہمارے حبیب کا
گیرا مگر نہیں ہے نفس عندلیب کا
سنتے ہی نام دشمنِ صد سالہ ہو گیا
پوچھا جو مجھ سے نام کسی نے حبیب کا

مجید امجد

گزر گئی تری لو میرے ڈگمگانے سے
چراغ گوشہ کوئے حبیب، کیا کہنا

عبید اللہ علیم

لکھو تمام عمر مگر پھر بھی تم علیمؔ
اس کو دکھا نہ پاؤ وہ ایسا حبیب تھا

شکیل بدایونی

اکثر بہ زعم ترکِ محبت خدا گواہ
گزرا چلا گیا ہوں دیارِ حبیب سے