امام بخش ناسخ

دھوکا نہ کھا ظروف وضو کو تو دیکھ کر
مسجد ہے مے فروش کی ناسخؔ دکاں نہیں

حیدر علی آتش

پروانوں کی طرح ہے ہجوم قدح کشاں
روشن چراغ بادہ جو مغ کی دکاں میں ہے
آلودۂِ گناہ ہے اپنا ریاض بھی
شب کاٹتے ہیں جاگ کے مغ کی دکاں میں ہم
خواہاں کوئی نہیں تو کچھ اس کا عجب نہیں
جنس گراں بہا ہیں فلک کی دکاں میں ہم
بازار دہر میں تری منزل کہاں نہ تھی
یوسف نہ جس میں ہو کوئی ایسی دکاں نہ تھی

میر مہدی مجروح

تمام اسباب دنیاوی کے بدلے
ہے اک بے رونقی اپنی دکاں میں
دیکھ پچھتائے گا نہ لے کے مجھے
مایۂ نازش دکاں ہوں میں

جون ایلیا

کھولی تو ہے زبان مگر اس کی کیا بساط
میں زہر کی دکاں نہ ہوا کچھ نہیں ہوا

عرفان صدیقی

بھولتا بھی نہیں نام اس کا بتاتا بھی نہیں
نہ بڑھاتا ہوں نہ یہ دل کی دکاں کھولتا ہوں

جوش ملیح آبادی

زندگی کب سے ہے کانٹوں کی تجارت سے فگار
پھر بھی تخئیل میں پھولوں کی دکاں ہے اب تک

کلیم عاجز

آج بھی گرم ہے بازار جفا کاروں کا
کل بھی آراستہ تھی ان کی دکاں آج بھی ہے

محسن نقوی

اس طرف سنگ باری ہر اک بام سے
اس طرف آئنوں کی دکاں ایک میں