امام بخش ناسخ

ہے خرابات جہاں میں بھی وہ ساقی سے نفور
جو کہ اے ناسخؔ غلام ساقی کوثر نہیں

عرفان صدیقی

پانی پہ کس کے دستِ بریدہ کی مہر ہے
کس کے لیے ہے چشمۂ کوثر لکھا ہوا
دریا عطا ہو ساقی کوثر کا واسطہ
حاجت روا ہو خاتم حیدر کا واسطہ
انعام کر مجھے بھی کہ صدیوں کی پیاس ہے
دریا، بنام ساقی کوثر، علیؑ علیؑ

الطاف حسین حالی

پیاس تیری بوئے ساغر سے لذیذ
بلکہ جام آبِ کوثر سے لذیذ

اکبر معصوم

یہ خاص ساز ازل سے وہ دجلۂ آہنگ
یہ نیل و زمزم و کوثر اسی سے ملتے ہیں

بیخود بدایونی

نشہ میں بھی ترے بیخودؔ کی تعلی نہ گئی
بادۂ ہوش ربا کو مئے کوثر جانا