امام بخش ناسخ

اس کی ہر دم کی نصیحت سے میں تنگ آیا ہوں
کاش ناصح سے بھی آنکھ اس نے لڑائی ہوتی

داغ دہلوی

بات اک دل میں میرے آئی ہے
گر کہوں تو ابھی لڑائی ہے

مصطفٰیٰ خان شیفتہ

تذکرہ صلح غیر کا نہ کرو
بات اچھی نہیں لڑائی کی
شکوہ مجھے نہ ہو جو مکافات حد سے ہو
واں صلح ایک دم ہے لڑائی تمام شب

مومن خان مومن

واں طعنہ تیر یار یہاں شکوہ زخم ریز
باہم تھی کس مزے کی لڑائی تمام شب

الطاف حسین حالی

لاگ میں ہیں لگاؤ کی باتیں
صلح میں چھیڑ ہے لڑائی کی
معصیت پر ہے دیر سے یا رب
نفس اور شرع میں لڑائی آج

حسرت موہانی

کی یاس سے ہوس نے لڑائی تمام شب
تم نے تو خوب راہ دکھائی تمام شب
ہو کے نادم وہ بیٹھے ہیں خاموش
صلح میں شان ہے لڑائی کی

اختر ہوشیارپوری

اپنی ہی ذات میں تھا میں محفوظ
اور پھر خود ہی سے لڑائی تھی