مرزا غالب

بزم شاہنشاہ میں اشعار کا دفتر کھلا
رکھیو یارب یہ در گنجینۂِ گوہر کھلا
قطرۂِ مے بس کہ حیرت سے نفس پرور ہوا
خط جامِ مے سراسر رشتۂِ گوہر ہوا
توفیق بہ اندازۂِ ہمت ہے ازل سے
آنکھوں میں ہے وہ قطرہ کہ گوہر نہ ہوا تھا

مصطفٰی خان شیفتہ

تاثیر ہو کیا، ان لب و دنداں کا ہوں بیمار
نے لعل کا شکوہ ہے نہ گوہر کی شکایت

باقی صدیقی

کون صدف کی بات کرے
نام بڑا ہے گوہرکا

عرفان صدیقی

میں اور سیلِ گریہ خداساز بات ہے
قسمت میں تھا خزینۂ گوہر لکھا ہوا
یہ خانہ زادگاں ہیں تجھی سے شرف نصیب
ان کو بھی اک خریی گوہر، علیؑ علیؑ

بشیر بدر

پھول برسے کہیں شبنم کہیں گوہر برسے
اور اس دل کی طرف برسے تو پتھر برسے

فارغ بخاری

بحر پیاسے کی جستجو میں ہے
ہے صدف کی تلاش گوہر کو

حفیظ ہوشیارپوری

اس زیاں خانے میں اک قطرے پہ کیا کیا گزری
کبھی آنسو کبھی شبنم کبھی گوہر بن کے

اختر ہوشیارپوری

ساحلوں پر سیپیاں تھیں اور ہوا کا شور تھا
پانیوں میں ڈوبتے تو کوئی گوہر دیکھتے

افضل منہاس

وہ جو اڑتی ہے سدا دست وفا میں افضلؔ
اسی مٹی میں نہاں درد کا گوہر دیکھا

احمد فراز

ہر تماشائی فقط ساحل سے منظر دیکھتا
کون دریا کو الٹتا کون گوہر دیکھتا

امیر مینائی

سمائے ابرِ نیساں خاک مجھ گریاں کی آنکھوں میں
کہ پلکوں سے یہاں بھی متصل گوہر برستے ہیں

ناصر کاظمی

اے دیدہ ور و دیدۂپرنم کی طرف بھی
مشتاق ہو لعل و زر و گوہر کے تو دیکھو