امام بخش ناسخ

ہائے کیا پیار سے سوتے تھے لپٹ کر اے جان
یاد ہر دم مجھے آتی ہیں وہ پیاری راتیں
یاد آتی ہیں ہمیں جان تمہاری باتیں
ہائے وہ پیار کی آواز وہ پیاری باتیں

انشاء اللہ خان انشا

ہے سمایا ہوا جو لڑکا پن
آپ کی وضع پیاری پیاری میں

مومن خان مومن

بیکسی کیوں ہے نعش پر مجمع
کیا ہوئی تو مری پیاری آج

جون ایلیا

وہ یاد اب ہو رہی ہے دل سے رخصت
میاں پیاروں کی پیاری جا رہی ہے

شکیل بدایونی

جس چمن میں کبھی نہ آئے بہار
اس چمن کی خزاں بھی پیاری ہے

احمد فراز

اداسیاں ہوں‌ مسلسل تو دل نہیں‌ روتا
کبھی کبھی ہو تو یہ کیفیت بھی پیاری لگے
فراز تیرے جنوں کا خیال ہے ورنہ
یہ کیا ضرور وہ صورت سبھی کو پیاری لگے

محسن احسان

مر گئے سر پھوڑ کے دیوارِ زنداں سے اسیر
زندگی کنجِ قفس میں موت سے پیاری نہ تھی

ناصر کاظمی

پیارے دیس کی پیاری مٹی
سونے پر ہے بھاری مٹی