امام بخش ناسخ

دونوں زلفوں میں ہیں خورشید سے تاباں عارض
روزِ روشن کے برابر ہیں تمہاری راتیں
یاد آتی ہیں ہمیں جان تمہاری باتیں
ہائے وہ پیار کی آواز وہ پیاری باتیں
پہروں چپ رہتے ہیں ہم اور اگر بولتے ہیں
وہی پھر پھر کے الٹتی ہیں تمہاری باتیں
غیر ہر دم مجھے باتیں جو سنا جاتے ہیں
جانتا ہوں یہ میں اے جان تمہاری باتیں

مصحفی غلام ہمدانی

پتلیاں جائے ستاروں کی ٹکی ہیں اس میں
دیدہ ریزی سے ہوئی کفش تمہاری تیار

مصطفٰیٰ خان شیفتہ

اس وفا کی مجھ سے پھر امیدواری ہے عبث
دل فریبی کی لگاوٹ، یہ تمہاری ہے عبث

مومن خان مومن

ہو نہ بیتاب ادا تمہاری آج
ناز کرتی ہے بے قراری آج

جون ایلیا

بن تمہارے کبھی نہیں آئی
کیا مری نیند بھی تمہاری ہے
عجب حالت ہماری ہو گئی ہے
یہ دنیا اب تمہاری ہو گئی ہے

اختر شیرانی

مدتیں ہو گئیں بچھڑے ہوئے تم سے لیکن
آج تک دل سے مرے یاد تمہاری نہ گئی

احمد فراز

ہماری پاس بھی بیٹھو بس اتنا چاہتے ہیں
ہمارے ساتھ طبیعت اگر تمہاری لگے

محسن نقوی

عکس کوئی ہو خد و خال تمہارے دیکھوں
بزم کوئی ہو مگر بات تمہاری نکلے