امام بخش ناسخ

ہم خانہ خرابوں سے ملے کیا کوئی آ کر
دروازۂِ افتادہ ہے دربان ہمارا

داغ دہلوی

آخر تو آدمی تھے نسیان کیوں نہ ہوتا
میری شناخت شب کو دربان کر کے بھولے

مصحفی غلام ہمدانی

دردِ دل جا کے میں کہہ لوں ابھی در کے نزدیک
ایک ساعت کو ہی اٹھ جاوے جو دربان کہیں
دربان بھی یاں کچے گھڑے پانی بھرے ہے
وہ ہیں ہمیں یاں جن کو کہ دربان کا ڈر ہے

سیف الدین سیف

سیفؔ کیا خوب زمانے کی ہوا بدلی ہے
تختِ طاؤس پہ آ بیٹھے ہیں دربان یہاں