امام بخش ناسخ

بے کھٹکے توحش میں نہ کیوں دوڑتے پھریے
پہلو میں ہے بے خار بیابان ہمارا

انشاء اللہ خان انشا

لونا چماری کی قسم اور کلو عبیر کی
کالی بلا کی غول بیابان کی قسم

بہادر شاہ ظفر

ہر تار کا دامن کے مرے کر کے تبرک
سربستہ ہر اک خار بیابان ہے موجود

داغ دہلوی

گریے نے ایک دم میں بنا دی وہ گھر کی شکل
میری نظر میں صاف بیابان پھر گیا
چھائی جاتی ہے یہ وحشت کیسی
گھر بیابان ہوا جاتا ہے

شیخ ابراہیم ذوق

یہ روئے پھوٹ پھوٹ کے پانی کے آبلے
نالہ سا ایک سوئے بیابان بہہ گیا

مرزا رفیع سودا

بلبل نے جسے جا کے گلستان میں دیکھا
ہم نے اسے ہر خار بیابان میں دیکھا

عرفان صدیقی

جاری ہیں پائے شوق کی ایذا رسانیاں
اب کچھ نہیں تو سیرِ بیابان چاہیے
خیر دنیا مری وحشت کے لیے تنگ سہی
اور یہ عرصۂ باطن میں بیابان جو ہیں