امام بخش ناسخ

استرا پھرنے سے روئے یار پر ہے دور خط
چال اس کم بخت نے سیکھی ہے کیا پرکار کی

حیدر علی آتش

حلقہ کی ناف یار کے تعریف کیا کروں
گول ایسا دائرہ نہیں پرکار نے کیا

مصطفٰیٰ خان شیفتہ

رحم ایسی سادگی پہ ستم گر ضرور ہے
عاشق ہوئے ہیں ہم تجھے پرکار دیکھ کر

جگر مراد آبادی

ادائے عشق ادائے یار بھی ہے
بہت سادہ بہت پرکار بھی ہے

اختر حسین جعفری

ہوا کاغذ مصور ایک پیغام زبانی سے
سخن تصویر تک پہنچا ہنر پرکار تک آیا

علی سردار جعفری

شوخ و شاداب و حسیں سادہ و پرکار آنکھیں
مست و سرشار و جواں بے خود و ہشیار آنکھیں