امام بخش ناسخ

حال لکھا ہے جو میں نے بدن لاغر کا
لے اڑا تنکے کی مانند کبوتر کاغذ

مصطفٰیٰ خان شیفتہ

اڑ گئے ہوش کہ پیغامِ اجل ہے یہ جواب
کوچۂِ یار سے زخمی جو کبوتر آیا
نقشِ تسخیرِ غیر کو اس نے
خوں لیا تو مرے کبوتر کا

اکبر معصوم

یہ دھوپ چھاؤں یہ آب رواں یہ ابر یہ پھول
یہ آسماں یہ کبوتر اسی سے ملتے ہیں

غلام محمد قاصر

وعدے یخ بستہ کمروں کے اندر گرتے ہیں
میرے صحن میں جھلسے ہوئے کبوتر گرتے ہیں