امام بخش ناسخ

یار نے خط میں جو لکھا ہے کہ نہ آنا ہرگز
ہو گیا میرے لیے سد سکندر کاغذ

داغ دہلوی

اس قدر شاد ہوں گویا کہ ملی ہفت اقلیم
آئینہ ہاتھ میں آیا کہ سکندر آیا

مصطفٰی خان شیفتہ

مجھ سے وہ صلح کو اس شان سے آئے گویا
جنگ کے واسطے دارا سے سکندر آیا

عرفان صدیقی

ہر چند میں قسمت کا سکندر تو نہیں تھا
وہ شخص بھی انسان تھا، پتھر تو نہیں تھا
مجرائیوں کے قدموں سے لپٹی ہوئی زمیں
پیشانیوں پہ بختِ سکندر لکھا ہوا

احمد فراز

میں تو مقتل میں بھی قسمت کا سکندر نکلا
قرعۂ فال مرے نام کا اکثر نکلا

قتیل شفائی

آئینہ دیکھنے پہ جو نادم ہوا قتیلؔ
ملک ضمیر کا وہ سکندر بھی میں ہی تھا