امام بخش ناسخ

کیا میں افلاس میں خط یار کو لکھوں ناسخؔ
نہ قلم ہے نہ سیاہی نہ میسر کاغذ

داغ دہلوی

داغ تھا درد تھا غم تھا کہ الم تھا کچھ تھا
لے لیا عشق میں جو ہم کو میسر آیا

قمر جلالوی

سوختہِ دل میں نہ ملتا تیر کا خوں اے قمر
یہ بھی کچھ مہماں کی قسمت سے میسر ہو گیا

مصطفی زیدی

چٹکی تھیں اسی کنج میں اس ہونٹ کی کلیاں
مہکے تھے وہ اوقات میسر اسی گھر میں

غلام محمد قاصر

آفاق میں پھیلے ہوئے منظر سے نکل کر
چاہا تجھے موجود و میسر سے نکل کر