انشاء اللہ خان انشا

واسطے تیرے مرا رنگ محل ہے دشمن
تیری خاطر تو ہر اک چھوٹی بڑی مجھ سے لڑی

داغ دہلوی

ابھی میں نے کیا تھا یاد اس کو
وہ آیا عمر قاصد کی بڑی ہے
تجھے دیتا ہوں اپنی جان بھی میں
مرے دل سے مری ہمت بڑی ہے
اسے بھی مجھ کو بھی ضد آ پڑی ہے
خرابی بیچ والوں کی بڑی ہے

شیخ ابراہیم ذوق

تو دو گھڑی کا وعدہ نہ کر دیکھ جلد آ
آنے میں ہو گی دیر بڑی دو گھڑی کے بعد

مصحفی غلام ہمدانی

نرگس آٹھ آٹھ آنسو روتی ہے
یاد کر وہ بڑی بڑی آنکھیں

قمر جلالوی

ہجومِ محشر میں کیسا ملنا نظر فریبی بڑی ملے گی
کسی سے صورت تری ملے گی کسی سے صورت مری ملے گی

احمد راہی

جب کوئی شخص کہیں ذکر وفا کرتا ہے
دل کو اے دوستو تکلیف بڑی ہوتی ہے

سیماب اکبر آبادی

نہ کرتے حشر کو رسوا کبھی دن کے اجالے میں
خبر کیا تھی تری فرقت کی رات اتنی بڑی ہو گی

احمد فراز

آج دل کھول کے روئے ہیں تو یوں خوش ہیں فرازؔ
چند لمحوں کی یہ راحت بھی بڑی ہو جیسے

محبوب خزاں

الجھتے رہنے میں کچھ بھی نہیں تھکن کے سوا
بہت حقیر ہیں ہم تم بڑی ہے یہ دنیا