انشاء اللہ خان انشا

روٹھ کر ان کی گلی میں جو لگا تو انشاؔ
ہر اک اس دو لڑی موتی کی لڑی مجھ سے لڑی

داغ دہلوی

غزل اک اور بھی اے داغؔ لکھو
طبیعت اس زمیں میں کچھ لڑی ہے
نگاہ شوخ جب اس سے لڑی ہے
تو بجلی تھرتھرا کر گر پڑی ہے

شیخ ابراہیم ذوق

گو دو گھڑی تک اس نے نہ دیکھا ادھر تو کیا
آخر ہمیں سے آنکھ لڑی دو گھڑی کے بعد

بیان میرٹھی

گہر بیں ہے نظام الملک اپنا
طبیعت کیا بیاںؔ قسمت لڑی ہے

سیف الدین سیف

قریب موت کھڑی ہے ذرا ٹھہر جاؤ
قضا سے آنکھ لڑی ہے ذرا ٹھہر جاؤ

قابل اجمیری

ہونٹوں پہ ہنسی آنکھ میں تاروں کی لڑی ہے
وحشت بڑے دلچسپ دوراہے پہ کھڑی ہے
آوارہ و رسوا ہی سہی ہم منزل شب میں
اک صبحِ بہاراں سے مگر آنکھ لڑی ہے

نوح ناروی

کیا چشمِ عنایت کا تری مجھ کو بھروسا
لڑ لڑ کے ملی ہے کبھی مل مل کے لڑی ہے