انشاء اللہ خان انشا

شعلے آہوں کے بدن اپنے سے ہیں یوں ہی نمود
منعکس جیسے ہو سورج کی کرن آئینے میں

عرفان صدیقی

یہ راز کھلا روزنِ زنداں کی بدولت
سورج میں ہے جو بات کرن میں بھی وہی ہے

مجید امجد

جب اک چراغِ راہگزر کی کرن پڑے
ہونٹوں کی لو لطیف حجابوں سے چھن پڑے

ادا جعفری

آنکھوں میں روپ صبح کی پہلی کرن سا ہے
احوال جی کا زلفِ شکن در شکن سا ہے

عبید اللہ علیم

گزر گئے تو گزرتے رہے بہت خورشید
جو رنگ لائی تو لائی ہے اک کرن کیا کیا