انشاء اللہ خان انشا

دم بدم کہہ بیٹھنا بس جاؤ اپنی ان کے پاس
کیوں نہیں جاتی وہ اب تک بد گمانی آپ کی

حیدر علی آتش

کچھ دہن ہی نہیں وہم شعرا کے نزدیک
مو سے باریک کمر بھی ہے گمانی تیری

مصحفی غلام ہمدانی

رکھیں ہیں جی میں مگر مجھ سے بد گمانی آپ
جو میرے ہاتھ سے پیتے نہیں ہیں پانی آپ
فرشتے کا گزر اس تک نہیں ہے
میں آپھی بد گمانی کر رہا ہوں

اختر شیرانی

کہیں اغیار کے خوابوں میں چھپ چھپ کر نہ جاتے ہوں
وہ پہلو میں ہیں لیکن بد گمانی اب بھی ہوتی ہے

فراق گورکھپوری

کوئی اظہار ناخوشی بھی نہیں
بد گمانی سی بد گمانی ہے
لاکھ حسن یقیں سے بڑھ کر ہے
ان نگاہوں کی بد گمانی بھی

نوح ناروی

کبھی تو ہم ہیں یہاں وہاں کے کبھی تصور ادھر ادھر کا
سکونِ و راحت سے کیا تعلق کہ بد گمانی ہے اور ہم ہیں