مرزا غالب

گھستے گھستے مٹ جاتا، آپ نے عبث بدلا
ننگِ سجدہ سے میرے ، سنگ آستاں اپنا
وفا کیسی کہاں کا عشق جب سر پھوڑنا ٹھہرا
تو پھر اے سنگ دل تیرا ہی سنگ آستاں کیوں ہو
نصیرِ دولت و دیں اور معینِ ملت و ملک
بنا ہے چرخِ بریں جس کے آستاں کے لیے

حیدر علی آتش

آتشؔ بلند پایہ ہے درگاہ یار کی
ہفتم فلک کی رفعت اسی آستاں میں ہے
رسائی جس کی نہیں اے صنم درِ دل تک
یقیں ہے اس کو ترا آستاں نہیں معلوم

داغ دہلوی

ہم اپنے ضعف کے صدقے بٹھا دیا ایسا
ہلے نہ در سے ترے سنگ آستاں کی طرح

میر مہدی مجروح

نہ ٹلا اس کے در سے اے مجروحؔ
دوسرا سنگ آستاں ہوں میں