انشاء اللہ خان انشا

صورت آوے جو نظر کھینچ لو اس کی تصویر
اپنے اس وقت کے تم مانی و بہزاد رہو

داغ دہلوی

صورت کو تیری دیکھ کے کھنچتی ہے جان خلق
دل اپنا تھام تھام کے بہزاد رہ گیا

مرزا رفیع سودا

تصویر مری تجھ بن مانیؔ نے جو کھینچی تھی
انداز سمجھ اس کا بہزادؔ بہت رویا

قمر جلالوی

بولنے کی دیر ہے میری ہر اک تصویر ہیں
میں زمانے کا ہوں مانی وقت کا بہزاد ہوں
صفحۂ ہستی سے کیا دنیا مٹائے گی مجھے
میں کوئے نقش و نگار مانی و بہزاد ہوں