انشاء اللہ خان انشا

تبھی لطف ہے ساقیا مے کشی کا
کہ تو بھی بہک اور مجھ کو بھی بہکا

جون ایلیا

دم بھر تری ہوس سے نہیں ہے مجھے قرار
ہلکان ہو گیا ہوں تری دل کشی سے میں

قمر جلالوی

بارش میں عہد توڑ کے گر مئے کشی ہوئی
توبہ مری پھرے گی کہاں بھیگتی ہوئی

احسان دانش

دل کی شگفتگی کے ساتھ راحت مے کدہ گئی
فرصت مے کشی تو ہے حسرت مے کشی نہیں

علی سردار جعفری

جرعۂ تلخ بھی ہے جام گوارا بھی ہے
زندگی جشن گہہ بادہ کشی ہے یارو

جلیل مانک پوری

مجھ کو تو مرض ہے بے خودی کا
زاہد کو گمان ہے مے کشی کا

سلام مچھلی شہری

تم شراب پی کر بھی ہوش مند رہتے ہو
جانے کیوں مجھے ایسی مے کشی نہیں آئی
غم پر ہیں طعنہ زن تو خوشی بھی نبھائیے
سرکار میری بادہ کشی بھی نبھائیے

احمد فراز

قربتیں لاکھ خوبصورت ہوں
دوریوں میں بھی دل کشی ہے ابھی

محبوب خزاں

کھلت میں بند ہیں کونپل کے سوتے جاگتے رنگ
پرت پرت میں نئی دل کشی ہے یہ دنیا

نوح ناروی

وہ گھٹا آسمان پر اٹھی
عذر اب مجھ کو مے کشی میں نہیں