انشاء اللہ خان انشا

آخرش ہو گی جو ان پر تو کسے بھاوے گا
چند روز اور ہی مہمان یہ گالی دینا

داغ دہلوی

خود ہی مجھے بلایا پھر بات بھی نہ پوچھی
وہ انجمن میں اپنی مہمان کر کے بھولے
کس کا ہے خوف روکنے والا ہی کون ہے
ہر روز کیوں نہ جائیے مہمان جائیے
کیا بدگمانیاں ہیں انہیں مجھ کو حکم ہے
گھر میں خدا کے بھی تو نہ مہمان جائیے
مضطرب کیوں نہ ہوں ارماں دل میں
قید مہمان ہوا جاتا ہے
ڈرتا ہوں دیکھ کر دل بے آرزو کو میں
سنسان گھر یہ کیوں نہ ہو مہمان تو گیا

مصحفی غلام ہمدانی

غیر کے گھر تو نہ رہ رات کو مہمان کہیں
تا نا اس بات کا چرچا ہو مری جان کہیں

عرفان صدیقی

وہ درد ہے کہ دل سے نکلتا نہیں سو آج
ہم نے سپرد خانہ بہ مہمان کر دیا
رات کی رات فقیروں کی بھی دلداری کر
دائم آباد زمیں، ہم ترے مہمان جو ہیں

جمال احسانی

ستارے کا راز رکھ لیا مہمان میں نے
اک اجلے خواب اور آنکھ کے درمیان میں نے
میں اب کبھی نہ دکھوں گا کسی کے مرنے سے
کہ شب گزار کے مہمان جایا کرتے ہیں
یوں نہ ہو بول پڑوں میں تری خاموشی پر
اور تجھے بزم سے مہمان اٹھانا پڑ جائے

جلیل مانک پوری

چلے ہائے دم بھر کو مہمان ہو کر
مجھے مار ڈالا مری جان ہو کر

سیف الدین سیف

ہمیں خبر ہے وہ مہمان ایک رات کا ہے
ہمارے پاس بھی سامان ایک رات کا ہے

سلام مچھلی شہری

یہ چاند یہ بہار کی راتیں گواہ ہیں
ہم اب بھی اپنے گھر میں ہیں مہمان کی طرح

شاد عظیم آبادی

اس گھر میں کرم جب تو نے کیا کچھ دیر ٹھہر اے تیرِ نظر
بوسہ ترے قدموں کا دل نے کس شوق سے اے مہمان لیا

فانی بدایونی

جو دل کی حسرتیں ہیں سب دل میں ہوں تو بہتر
اس گھر سے کوئی باہر مہمان رہ نہ جائے

احمد فراز

اس کی نوازشوں نے تو حیران کر دیا
میں میزبان تھا مجھے مہمان کر دیا

شاذ تمکنت

گھر سجانا تو کجا شاذؔ لٹا بھی نہ سکوں
ان سے شکوہ ہے کہ وہ کیوں مرے مہمان بنے

محسن نقوی

یہ دل یہ آسیب کی نگری مسکن سوچوں وہموں کا
سوچ رہا ہوں اس نگری میں تو کب سے مہمان ہوا