انشاء اللہ خان انشا

تیرے غصہ سے جو انشاؔ ہو خفا ناحق ہے
ہاں تجھے چاہیے نادان یہ گالی دینا

داغ دہلوی

لائے تھے کوئے یار سے ہم داغ کو ابھی
لو اس کی موت آئی وہ نادان پھر گیا
عذر جانے میں نہ کر اے قاصد
تو بھی نادان ہوا جاتا ہے

مصحفی غلام ہمدانی

رازِ دل اس سے کہا میں تو ولے یہ ڈر ہے
کہ مرے راز کو کہہ دے نہ وہ نادان کہیں

باقی صدیقی

آپ کو ہم سے شکایت کیسی
ہم تو غافل ہوئے نادان ہوئے

جمال احسانی

جو صرف ایک ٹھکانے سے تیرے واقف ہیں
تری گلی میں وہ نادان جایا کرتے ہیں
کیا تماشا ہو سرِ کوچۂ دل دار اگر
میرے جیسا کوئی نادان اٹھانا پڑ جائے