انشاء اللہ خان انشا

کسی ڈھب سے طبیعت سیر ہوتی ہی نہیں ان سے
ابھی دالان سے لائے بہ زیر سائباں لپٹے

جون ایلیا

اے مرے شوق کی امنگ میرے شباب کی ترنگ
تجھ پہ شفق کا سائباں شام بخیر شب بخیر

عرفان صدیقی

سنگِ آزار کی بارشیں تیز تھیں اور بچنے کا کوئی طریقہ نہ تھا
رفتہ رفتہ سبھی نے سروں پر کوئی بے حسی تان لی سائباں کی طرح
بہت دنوں میں یہ بادل ادھر سے گزرا ہے
مرا مکان کبھی سائباں بھی رکھتا تھا
اب خیال آتا ہے سب کچھ راکھ ہو جانے کے بعد
کچھ نہ کچھ تو سائباں در سائباں میرا بھی تھا

مصطفی زیدی

کسی زلف کو صدا دو کسی آنکھ کو پکارو
بڑی دھوپ پڑ رہی ہے کوئی سائباں نہیں ہے

ادا جعفری

موسموں پر یقین کیوں چھوڑا
بد گمانی تو سائباں سے ہوئی

رسا چغتائی

نکل کر سایۂ ابرِ رواں سے
رہے ہم مدتوں بے سائباں سے

عزیز حامد مدنی

وفا کی رات کوئی اتفاق تھی لیکن
پکارتے ہیں مسافر کو سائباں کیا کیا

اختر ہوشیارپوری

سوا نیزے پہ سورج آ گیا تھا
لہو کو سائباں کرنا پڑا ہے

ناصر کاظمی

خمارِ غریبی میں بے غم گزرتی ہے ناصر
درختوں سے بڑھ کر مجھے دھوپ کا سائباں ہے