انشاء اللہ خان انشا

دیکھ انشاؔ نے کیا کیا ہے قہر
متحمل یہ گال بوسے کا
دیکھ انشاؔ نے کیا کیا ہے قہر
متحمل یہ گال بوسہ کا

حیدر علی آتش

بینی سہیل مشتری و زہرہ گوش ہیں
قطب شمال حسن ہے تل تیرے گال کا

مصحفی غلام ہمدانی

جس کی بوسے کے تصور سے چھلے گال کی کھال
تاب کیا لاوے عرق پونچھتے رومال کی کھال

ماجد صدیقی

ہنستی تھی وہ تو شوخی خوں تھی کچھ اس طرح
جگنو سا جیسے بلب دمکتا ہو گال پر

افضل منہاس

سہمے ہوئے ہیں چاروں طرف روشنی کے عکس
اک ہاتھ آ کے سرخ کئی گال کر گیا

احمد فراز

بھری بہار میں اک شاخ پر کھلا ہے گلاب
کہ جیسے تو نے ہتھیلی پہ گال رکھا ہے