انشاء اللہ خان انشا

نزاکت اس گلِ رعنا کی دیکھیو انشاؔ
نسیمِ صبح جو چھو جائے رنگ ہو میلا

مجید امجد

چہرہ اداس اداس تھا، میلا لباس تھا
کیا دن تھے ، جب خیالِ تمنا لباس تھا

شاد عظیم آبادی

نہ جاں بازوں کا مجمع تھا نہ مشتاقوں کا میلا تھا
خدا جانے کہاں مرتا تھا میں جب تو اکیلا تھا

افضل منہاس

چاند میں کیسے نظر آئے تری صورت مجھے
آندھیوں سے آسماں کا رنگ میلا ہو گیا

ناصر کاظمی

سرما ندی کے گھاٹ پہ اس دن
جاڑے کا پہلا میلا تھا