انشاء اللہ خان انشا

جب تک کہ خوب واقف رازِ نہاں نہ ہوں
میں تو سخن میں عشق کے بولوں نہ ہاں نہ ہوں

شکیب جلالی

نورِ منزل مجھے نصیب کہاں
میں ابھی حلقہِ غبار میں ہوں

رئیس فروغؔ

میں راتوں کا دریا ہوں
خوابوں کو شاداب کروں

ضیا جالندھری

تم کو چاہا کہ تھی نرگسیت فزوں
اپنا خواہاں تمہاری وساطت سے ہوں
میں کہاں پہنچا کہ ہر بت جسے پوجا اب تک
ہے شکستہ سرِ خاک اور میں شکستہ تو ہوں
ہم تو اے اجنبی مہمان ہیں کوئی دم کے
دم بہ دم موجِ فنا کہتی ہے میں ہوں میں ہوں
فکرِ سود و زیاں خاک آلودہ ہوں
میں کہ تھا طائر وسعت نیلگوں

ظہیر کاشمیری

انہیں کی حسرت رفتہ کی یادگار ہوں میں
جو لوگ رہ گئے تنہا بھری بہاروں میں

جلیل مانک پوری

سنتا ہوں ان کی بزم میں چھلکیں گے آج جام
میں بھی چلا ہوں دیدۂ پر نم لیے ہوئے

شان الحق حقی

میں نے کیا کیا نہ کہا شعر میں ان سے حقیؔ
وہ فقط سن کے یہ کہتے رہے ہوں اچھا ہے