انشاء اللہ خان انشا

تجھے کچھ حسن پرستی سے نہیں کام ولے
ہو ہی رہتا ہے مرے جی کا زوال ایک نہ ایک

حیدر علی آتش

دکھا کے چہرۂِ ِ روشن وہ کہتے ہیں سرِ شام
وہ آفتاب نہیں ہے جسے زوال ہوا

جون ایلیا

کہتے ہی نشہ‌ ہائے ذوق کتنے ہی جذبہ ہائے شوق
رسم تپاک یار سے رو بہ زوال ہو گئے
تھا وہ جو کمال شوق وصلت
خواہش کو زوال چاہیے تھا
دل پہ طاری ہے اک کمال خوشی
شاید اپنے زوال کی ہو گی

عرفان صدیقی

زیرِ افلاک ستاروں کا سفر جاری ہے
اب کے نکلیں گے ہم اے شامِ زوال اور کہیں
تیرا سراپا میرا تماشا، کوئی تو برجِ زوال میں تھا
رات چراغِ ساعتِ ہجراں روشن طاقِ وصال میں تھا
ہوا کی زد پہ ہمارا سفر ہے کتنی دیر
چراغ ہم کسی شامِ زوال ہی کے تو ہیں
کہیں خیام لگیں قریہ وصال بھی آئے
شبِ سفر میں کبھی ساعتِ زوال بھی آئے

ادا جعفری

بے سبب تو نہیں تھا آنکھوں میں
ایک موسم کہ لا زوال سا تھا

بشیر بدر

مرے فکر و فن تری انجمن نہ عروج تھا نہ زوال ہے
مرے لب پہ تیرا ہی نام تھا مرے لب پہ تیرا ہی نام ہے
یہ زرد پتوں کی بارش مرا زوال نہیں
مرے بدن پہ کسی دوسرے کی شال نہیں

عبید اللہ علیم

گزرنا حسن کی نظارگی سے پل بھر کو
پھر اس کو ذائقۂ لا زوال کر رکھنا

علی سردار جعفری

دولتِ حسن لا زوال ہے تو
دولت عشق لا زوال ہیں ہم

غلام محمد قاصر

چھپا کے اپنی سسکتی سلگتی سوچوں سے
محبتوں کے عروج و زوال رکھتے تھے

ماجد صدیقی

میک اپ اتر گیا تو کھنڈر سی وہ رہ گئی
جیسے سحر کا چاند ہو ماجدؔ زوال پر

تلوک چند محروم

کس نے دیکھا نہیں ہے بعد عروج
سایۂ چرخ میں زوال اپنا
مطمئن بیٹھ نہ اے راہرو راہ عروج
ترا رہبر ہے اگر خوف زوال اچھا ہے

حسرت موہانی

ہم پہ کیوں عرض حالِ دل پہ عتاب
ایلچی کو کہیں زوال نہیں

شاد عظیم آبادی

اگر ہے دیدۂ روشن تو آفتاب کو دیکھ
ادھر عروج ہوا اور ادھر زوال آیا

شاذ تمکنت

افق نہیں تو کسی چاند کا تصور کیا
ستارے ڈوب گئے درد کے زوال کے ساتھ
بہت حسیں ہے یہ دنیا مگر زوال کے ساتھ
خدا سے حشر میں حسن زوال پوچھوں گا

محبوب خزاں

دیکھ دریا ہے کنارے کو سنبھال
یہ محبت یہ محبت کا زوال