انشاء اللہ خان انشا

طوفان اشک نوحؔ علیہ لسلام سے
بولا کہ آپ کے بھی سفینے پہ حرف ہے

باقی صدیقی

موجِ طوفاں کو دیکھ کر باقیؔ
ناخدا چھپ گیا سفینے میں

عرفان صدیقی

بچے گا اب نہ کوئی بادباں سفینے میں
نہ جانے کیسی ہوا چل رہی ہے سینے میں

مصطفیٰ زیدی

اے مجھے چھوڑ کے طوفان میں جانے والی
دوست ہوتا ہے تلاطم میں سفینے کی طرح

فارغ بخاری

تمہارے ساتھ ہی اس کو بھی ڈوب جانا ہے
یہ جانتا ہے مسافر ترے سفینے کا

اقبال ساجد

یہ سوچ کے ساحل پہ سفر ختم نہ ہو جائے
باہر نہ کبھی پاؤں سفینے سے نکالا