انشاء اللہ خان انشا

چین کیا ہو ہمیں جب آٹھ پہر
اپنے آنکھوں میں وہ جوان پھرے

داغ دہلوی

کیسا کھلا ہے پھول جب آیا بہار پر
پوچھے تو کوئی لطف جوانی جوان سے

مجید امجد

تیری منشاؤں کے محاذ پہ ہیں
چھاؤنی کے جوان بھی، ہم بھی

رئیس فروغؔ

نہ آپ سے حسین ہیں نہ آپ سے جوان ہیں
مگر وہ پیاری لڑکیاں زیادہ مہربان ہیں
فراق بھی تمام ہے وصال بھی تمام ہے
مگر ابھی محبتیں ذرا ذرا جوان ہیں

جلیل مانک پوری

ہے قیامت اٹھان ظالم کی
وہ ابھی سے جوان ہے گویا
اچھے اچھوں کو پھانس رکھا ہے
زال دنیا جوان ہے گویا

حفیظ جالندھری

دل ابھی تک جوان ہے پیارے
کس مصیبت میں جان ہے پیارے

رسا چغتائی

تیر جیسے کمان کے آگے
موت کڑیل جوان کے آگے