بہادر شاہ ظفر

ساقی نے دیا کیا مجھے اک ساغر سرشار
گویا کہ دو عالم سے ظفرؔ بے خبری دی

مصحفی غلام ہمدانی

نے خبر اس کو مری پہنچے ہے نے اس کی مجھے
بندھ گئی ہے عجب اک بے خبری کی صورت
ترے منہ چھپاتے ہی پھر مجھے خبر اپنی کچھ نہ ذری رہی
نہ فراق تھا نہ وصال تھا رہی اک تو بے خبری رہی

قمر جلالوی

مجھے باغباں سے گلہ یہ ہے کہ چمن سے بے خبری رہی
کہ ہے نخلِ گل کاتو ذکر کیا کوئی شاخ تک نہ ہری رہی

عرفان صدیقی

پرند نامہ بری میں کہاں سے آتے ہیں
سخن یہ بے خبری میں کہاں سے آتے ہیں

حفیظ ہوشیارپوری

اب خانقہ و مدرسہ و مے کدہ ہیں ایک
اک سلسلہ ہے قافلۂ بے خبری کا

احمد فراز

مجھے اپنے آپ پہ مان تھا کہ نہ جب تلک ترا دھیان تھا
تو مثال تھی مری آ گہی تو کمال بے خبری رہی

فراق گورکھپوری

رہتا ہوں فراقؔ اس لیے وارفتہ کہ دنیا
کچھ ہوش میں آ جائے مری بے خبری سے

قیوم نظر

ان کی جب نکتہ وری یاد آئی
اپنی ہی بے خبری یاد آئی