بہادر شاہ ظفر

آنکھیں ہیں کٹورا سی وہ ستم گردن ہے صراحی دار غضب
اور اسی میں شراب سرخی پاں رکھتی ہے جھلک پھر ویسی ہی

مصحفی غلام ہمدانی

زلفوں کا بکھرنا اک تو بلا، عارض کی جھلک پھر ویسی ہی
آنکھوں کا مٹکنا ہوش ربا، ہر ایک پلک پھر ویسی ہی
پردہ اٹھا کے مہر کو رخ کی جھلک دکھا کہ یوں
باغ میں جا کے سرو کو قد کی لچک دکھا کہ یوں

رئیس فروغؔ

کسی خیال کی جھلک
جلا گئی ہے جسم تک

عبید اللہ علیم

خواب ہی خواب کب تلک دیکھوں
کاش تجھ کو بھی اک جھلک دیکھوں

اکبر حمیدی

لباس میں ہے وہ طرز تپاک آرائش
جو انگ چاہے چھپانا جھلک جھلک جائے

ناصر کاظمی

شبنم آلود پلک یاد آئی
گلِ عارض کی جھلک یاد آئی