بہادر شاہ ظفر

دوش پر رختِ سفر باندھے ہے کیا غنچہ صبا
دیکھتے ہیں سب کو یاں جیسے کہ تیاری میں ہم

عرفان صدیقی

حلقۂ بے طلباں رنجِ گراں باری کیا
اٹھ کے چلنا ہی تو ہے ، کوچ کی تیاری کیا
جشن ظفر ایک اور سفر کی ساعت کا دیباچہ ہے
خیمۂ شب میں رقص بھی ہو اور کوچ کی بھی تیاری ہو
روشنی میں لوگ اعلانِ وفاداری کریں
شمع گل ہوتے ہی سب چلنے کی تیاری کریں

علی سردار جعفری

تیغ و خنجر کو عطا کرتے ہیں لفظوں کی نیام
ظلم کی کرتے ہیں جب اہلِ ستم تیاری

کلیم عاجز

وہ آئیں قتل کو جس روز چاہیں
یہاں کس روز تیاری نہیں ہے

محسن احسان

موت سے یاری نہ تھی ہستی سے بے زاری نہ تھی
اس سفر پر چل دیے ہم جس کی تیاری نہ تھی