بہادر شاہ ظفر

گر قصد سوئے دل ہے ترا اے نگاہِ یار
دو چار تیر پیک سے آگے اجل کے چل

شیخ ابراہیم ذوق

نیمچہ یار نے جس وقت بغل میں مارا
جو چڑھا منہ اسے میدان اجل میں مارا
اجل آئی نہ شبِ ہجر میں اور ہم کو فلک
بے اجل تو نے تمنائے اجل میں مارا
ہو تجھ سے عیادت جو نہ بیمار کی اپنے
لینے کو خبر اس کی اجل جائے تو اچھا

مومن خان مومن

کیا ایسے سے دعویٰ ہو محشر میں کہ میں نے تو
نظارۂِ قاتل کو احسان اجل جانا

عرفان صدیقی

زندہ رہنا تھا سو جاں نذرِ اجل کر آیا
میں عجب عقدۂ دشوار کو حل کر آیا

ناصر کاظمی

زندگی جن کے تصور سے جلا پاتی تھی
ہائے کیا لوگ تھے جو دامِ اجل میں آئے