بہادر شاہ ظفر

ہوشیاری ہے یہی کیجے ظفرؔ اس سے حذر
دیکھیے جس کو نشے میں بادۂِ پندار کے

حیدر علی آتش

پتھر کے آگے سجدہ کیا تو نے برہمن
کافر تجھے ترے بتِ پندار نے کیا

شکیب جلالی

یوں تری گرم نگاہی سے پگھلتے دیکھا
جس طرح کانچ کا گھر ہو مرے پندار کا شہر

عرفان صدیقی

آپ کیا نقدِ دو عالم سے خریدیں گے اسے
یہ تو دیوانے کا سر ہے سرِ پندار پہ خاک
وقت پھر جانے کہاں اس سے ملا دے تجھ کو
اس قدر ترکِ ملاقات کا پندار نہ رکھ

مصطفیٰ زیدی

روکتا ہے غم اظہار سے پندار مجھے
میرے اشکوں سے چھپا لے مرے رخسار مجھے

اختر حسین جعفری

محبت کا بھنور اپنا شکایت کی جہت اپنی
وہ محور دوسرا تھا جو مرے پندار تک آیا

عبید اللہ علیم

وہ عشق بہت مشکل تھا مگر آسان نہ تھا یوں جینا بھی
اس عشق نے زندہ رہنے کا مجھے ظرف دیا پندار دیا
اس وحشتی کا حال عجب ہے کہ اس طرف
جانا بھی اور جانب پندار دیکھنا

سیماب اکبر آبادی

غرورِ حسن بھی میرے لیے جزو ادا دائرے
مرا احساس بھی تیرے لیے پندار ہو جائے

احمد فراز

جو شرف ہم کو ملا کوچۂ جاناں سے فرازؔ
سوئے مقتل بھی گئے ہیں اسی پندار کے ساتھ
یہ لوگ کیا ہیں کہ دو چار خواہشوں کے لیے
تمام عمر کا پندار بیچ دیتے ہیں

شاذ تمکنت

یادِ ایام کہ کچھ سر میں سمائی تھی ہوا
اب وہ ٹوٹا ہوا پندار کہاں سے لاؤں