بہادر شاہ ظفر

عشق تو مشکل ہے اے دل کون کہتا سہل ہے
لیک نادانی سے اپنی تو نے سمجھا سہل ہے

داغ دہلوی

یہ قول کسی کا ہے کہ میں کچھ نہیں‌ کہتا
وہ کچھ نہیں کہتا ہے کہ میں کچھ نہیں‌ کہتا
پھٹتا ہے جگر دیکھ کے قاصد کی مصیبت
پوچھو تو یہ کہتا ہے کہ میں کچھ نہیں‌ کہتا
یہ خوب سمجھ لیجیے غماز وہی ہے
جو آپ سے کہتا ہے کہ میں کچھ نہیں‌ کہتا

مصحفی غلام ہمدانی

سن کے واں سے جو نکل آیا ایک
وہ مجھے دیکھ کے کہتا کیا ہے

مومن خان مومن

ہر وقت ہے دشنام ہر اک بات میں طعنہ
پھر اس پہ بھی کہتا ہے کہ میں کچھ نہیں کہتا

ظہیر کاشمیری

پھول سے اتنا ربط بڑھانا ٹھیک نہیں
قطرۂ شبنم اڑتے اڑتے کہتا ہے
میں نے اس کو اپنا مسیحا مان لیا
سارا زمانہ جس کو قاتل کہتا ہے

غلام محمد قاصر

گلیوں کی اداسی پوچھتی ہے گھر کا سناٹا کہتا ہے
اس شہر کا ہر رہنے والا کیوں دوسرے شہر میں رہتا ہے

ماجد صدیقی

لو میں بھی ہر بات تمہی سی کہتا ہوں
لو میں بھی جذبات کی رو میں بہتا ہوں
مجھ میں بھی ہے ایک سقم آئنوں سا
جو کچھ ہو محسوس وہی کچھ کہتا ہوں

کلیم عاجز

مت برا اس کو کہو گرچہ وہ اچھا بھی نہیں
وہ نہ ہوتا تو غزل میں کبھی کہتا بھی نہیں

محبوب خزاں

سب سمجھتے ہیں اور سب چپ ہیں
کوئی کہتا نہیں کہ تم سے کہیں

میرا جی

یہ ننھی سی وسعت یہ نادان ہستی
نئے سے نیا بھید کہتا گیا دل