بہادر شاہ ظفر

باندھی زاہد نے توکل پر کمر سو بار چست
لیکن آخر باعث سستی ہمت کھل گئی

مصطفٰی خان شیفتہ

طاقتِ جنبش نہیں اس حال پہ قصدِ عدم
مر گئے پر بھی رہے گی اپنی اس ہمت کی یاد

جون ایلیا

اپنے میں ہی کسی کی ہو روبروئی مجھ کو
ہوں خود سے روبرو ہوں ہمت نہیں ہے مجھ میں

عرفان صدیقی

جب تشنہ دہاں خود نہ دیں اس کی اجازت
دریا بھی قریب آنے کی ہمت نہیں کرتے

بشیر بدر

ان اندھیروں میں جہاں سہمی ہوئی تھی یہ زمیں
رات سے تنہا لڑا جگنو میں ہمت ہے بہت

بیان میرٹھی

کیا ہے قصد کس کے کنگر ایوان رفعت کا
کہ تھاما ہے ترے نالے نے پایہ عرش ہمت کا