حیدر علی آتش

جسم کو زیر زمیں بھی وہی پہونچا دے گا
روح کو جس نے فلک سیر کی طاقت دی ہے

مصحفی غلام ہمدانی

سدھاری قوت دل تاب اور طاقت سے کہہ دیجو
ہوئے ہیں ناتواں ہم بستر راحت سے کہہ دیجو

قمر جلالوی

اے درد تو ہی اٹھ کہ وہ آئیں ہیں دیکھنے
تعظیم کے مریض میں طاقت نہیں رہی

جوش ملیح آبادی

آئے اور اک نگۂ خاص سے پھر دیکھ گئے
جبکہ آتے ہوئے بیمار میں طاقت دیکھی

فانی بدایونی

ایک نالۂ خموش مسلسل ہے اور ہم
یادش بخیر ضبط کی طاقت نہیں رہی