حیدر علی آتش

لطف دل بستگی عاشق شیدا کو نہ پوچھ
دو جہاں سے اس اسیری نے فراغت دی ہے

شیخ ابراہیم ذوق

حرص کے پھیلتے ہیں پاؤں بہ قدر وسعت
تنگ ہی رہتے ہیں دنیا میں فراغت والے

عرفان صدیقی

اب وہ بے تابی جاں کا ہے کی‘ وحشت کیسی
اس سے بچھڑے ہیں تو حاصل ہے فراغت کیسی

بیان میرٹھی

کہیں سر پھوڑ کے مر رہیے بیاںؔ
اک جہاں سے تو فراغت ہوگی

فراق گورکھپوری

ایک سی ہیں اب تو حسن و عشق کی مجبوریاں
ہم ہوں یا تم ہو وہ عہد با فراغت بھی تو ہو

محسن نقوی

اس رات دیر تک وہ رہا محوِ گفتگو
مصروف میں بھی کم تھا فراغت اسے بھی تھی

میرا جی

اب نہیں دل میں مرے شوق وصال
اب ہر اک شے سے فراغت ہے مجھے