حیدر علی آتش

رخ و زلف پر جان کھویا کیا
اندھیرے اجالے میں رویا کیا

مصطفٰی خان شیفتہ

آپ جو ہنستے رہے شب بزم میں
جان کو دشمن کی میں رویا کیا

مومن خان مومن

دیوار کے گر پڑتے ہی اٹھنے لگے طوفاں
اب بیٹھ کے کونے میں بھی رویا نہ کریں گے

یگانہ چنگیزی

نا آشنائے حسن کو کیا اعتبارِ عشق
اندھوں کے آگے بیٹھ کے رویا نہ کیجیے

اختر شیرانی

عشق کی رنگینیوں میں ڈوب کر
چاندنی راتوں میں رویا کیجیے

احمد فراز

دل منافق تھا شبِ ہجر میں سویا کیسا
اور جب تجھ سے ملا ٹوٹ کے رویا کیسا

قتیل شفائی

مل کر جدا ہوئے تو نہ سویا کریں گے ہم
اک دوسرے کی یاد میں رویا کریں گے ہم

قیوم نظر

عاقبت کی فکر نادانوں کا حصہ ہی سہی
عاقبت کے تذکرے پر برملا رویا کرو

کلیم عاجز

مجھ کو بننا پڑا شاعر کہ میں ادنیٰ غمِ دل
ضبط بھی کر نہ سکا پھوٹ کے رویا بھی نہیں

ناصر کاظمی

بھولی نہیں وہ شامِ جدائی
میں اس روز بہت رویا تھا
میں تو آج بہت رویا ہوں
تو بھی شاید رویا ہو گا