مرزا غالب

نالۂِ دل میں شب اندازِ اثر نایاب تھا
تھا سپند بزم وصل غیر ، گو بیتاب تھا

مصحفی غلام ہمدانی

چاہ سیماب سے سیماب جو جوشاں ہے ہنوز
میں سمجھتا ہوں کہ مدفوں کوئی بیتاب ہے یاں

مرزا رفیع سودا

گو خاک ہوا تو بھی پھرا بن کے بگولا
ہو کر نہ گئی عاشق بیتاب کی گردش

اختر شیرانی

کس ماہ لقا کے عشق میں یوں بے چین ہیں ہم بیتاب ہیں ہم
کرنوں کی طرح آوارہ ہیں ہم تاروں کی طرح بے خواب ہیں ہم

عبید اللہ علیم

جب ملا حسن بھی ہرجائی تو اس بزم سے ہم
عشق آوارہ کو بیتاب اٹھا کر لے آئے

فارغ بخاری

پتھر دیس میں کس کو سنائے جا کے کوئی فریاد اپنی
جانے کتنے حشر بپا فارغؔ کے دلِ بیتاب میں ہیں