حیدر علی آتش

اشکوں سے خانۂ تن آتشؔ خراب ہو گا
قصر سپہر رفعت باراں نے ڈھا دیے ہیں
اٹھا نقاب چہرۂِ ِ زیبائے یار سے
دیوار درمیاں جو تھی ہم اس کو ڈھا چکے

جون ایلیا

تجھ گماں پر جو عمارت کی تھی
سوچتا ہوں کہ میں ڈھا دوں اس کو

جگر مراد آبادی

دل بن گیا نگاہ نگہ بن گئی زباں
آج اک سکوت شوق قیامت ہی ڈھا گیا

احسان دانش

توبہ کی نازشوں پہ ستم ڈھا کے پی گیا
''پی''! اس نے جب کہا تو میں گھبرا کے پی گیا

جلیل مانک پوری

ابھی کل تک تھے کیسے بھولے بھالے
ذرا ابھرے ہیں آفت ڈھا رہے ہیں

حفیظ جالندھری

نئے کعبے کی بنیادوں سے پوچھو
پرانے بت کدے کیوں ڈھا رہا ہوں

فانی بدایونی

دل میں سما کے پھر گئی آس بندھا کے پھر گئی
آج نگاہِ دوست نے کعبہ بنا کے ڈھا دیا

اختر ہوشیارپوری

یک بیک موسم کی تبدیلی قیامت ڈھا گئی
رک کے سستانا تھا جب مجھ کو کڑی دھوپ آ گئی

فراق گورکھپوری

حدیں حسن و محبت کی ملا کر
قیامت پر قیامت ڈھا رہا ہوں