حیدر علی آتش

قصۂِ سلسلۂِ زلف نہ کہنا بہتر
پیچ در پیچ ہے خاموش ہی رہنا بہتر
ٹیڑھے سیدھے سے غرض رکھتے نہیں اے آتشؔ
جو کہے یار ہمیں سن کے یہ کہنا بہتر

داغ دہلوی

ان کا یہی سننا ہے کہ وہ کچھ نہیں‌سنتے
میرا یہی کہنا ہے کہ میں کچھ نہیں‌ کہتا

باقی صدیقی

بات ہو، شعر ہو، افسانہ ہو
ہے بہت کچھ ابھی کہنا ہم کو

اختر حسین جعفری

دل جہاں بات کرے دل ہی جہاں بات سنے
کار دشوار ہے اس طرز میں کہنا اچھا

زہرا نگاہ

اچھے شعروں کی پرکھ تم نے ہی سکھلائی مجھے
اپنے انداز سے کہنا بھی تمہی سے سیکھا