مرزا غالب

آج کیوں پروا نہیں اپنے اسیروں کی تجھے ؟
کل تلک تیرا بھی دل مہرووفا کا باب تھا
فرش سے تا عرش واں طوفاں تھا موجِ رنگ کا
یاں زمیں سے آسماں تک سوختن کا باب تھا
کل کے لیے کر آج نہ خست شراب میں
یہ سوء ظن ہے ساقی کوثر کے باب میں
جو منکرِ وفا ہو فریب اس پہ کیا چلے
کیوں بدگماں ہوں دوست سے دشمن کے باب میں

مصطفٰی خان شیفتہ

محبت نہ ہرگز جتائی گئی
رہا ذکر کل اور ہر باب کا

فیض احمد فیض

عمر کے ہر ورق پہ دل کو نظر
تیری مہر و وفا کے باب آئے

جون ایلیا

اک کتاب وجود ہے تو سہی
شاید اس میں دعا کا باب نہیں
پڑھ لیا اس کی یاد کا نسخہ
اس میں شہرت کا کوئی باب نہیں

غلام محمد قاصر

کتاب آرزو کے گم شدہ کچھ باب رکھے ہیں
ترے تکیے کے نیچے بھی ہمارے خواب رکھے ہیں

فارغ بخاری

کون وہ باتیں سنتا ہے جو فصل جنوں کے باب میں ہیں
کس کس کو بیدار کروں سب سورج میرے خواب میں ہیں