حیدر علی آتش

حسن میں پہلوئے خورشید مگر دابے گا
دور کھنچتا ہے ہمارا مہِ تاباں کیا کیا
صدقے چکور ہوتے ہیں رخسارِ یار کے
وہ ماہ چار دہ مہِ تاباں ہے ان دنوں

مصحفی غلام ہمدانی

سامنے سے مری آنکھوں کے نہ جا مان کہا
کس کو دیکھوں گا میں پھر اے مہِ تاباں تجھ بن

مصطفٰیٰ خان شیفتہ

صبح ہوتے ہی گیا گھر مہِ تاباں میرا
پنجۂِ خور نے کیا چاکِ گریباں میرا

قمر جلالوی

گیسو ہیں ان کے عارضِ تاباں کے ساتھ ساتھ
کافر لگے ہوئے ہیں مسلماں کے ساتھ ساتھ
اک شمع کیا کوئی شبِ فرقت نہیں قمر
تارے بھی چھپ گئے ہیں مہِ تاباں کے ساتھ ساتھ

اختر شیرانی

یوں تو ہر راہ گزر پر تھے ستارے رقصاں
جس کی حسرت تھی مگر وہ مہِ تاباں نہ ملا

ضیا جالندھری

ارمغاں ہیں تری چاہت کے شگفتہ لمحے
بے خودی اپنی شب اپنی مہِ تاباں اپنا