مرزا غالب

میں نے روکا رات غالب کو ، وگرنہ دیکھتے
اس کے سیلِ گریہ میں ، گردوں کفِ سیلاب تھا
واں کرم کو عذرِ بارش تھا عناں گیرِ خرام
گریے سے یاں پنبۂِ بالش کفِ سیلاب تھا

حیدر علی آتش

جوش سے اشکوں کے پھر جائے گا سر پر پانی
کھینچ لے جائے گا دریا میں یہ سیلاب مجھے

عبید اللہ علیم

کون سی کشتی میں بیٹھیں ترے بندے مولا
اب جو دنیا کوئی سیلاب اٹھا کر لے آئے

غلام محمد قاصر

یوں شور کا دریا بپھرا ہے چڑیوں نے چہکنا چھوڑ دیا
خطرے کے نشان سے نیچے اب اترے سیلاب تو اچھا ہو
ہمارے گھر کی بنیادوں کے پتھر کیا ہوئے آخر
کہیں طوفان کے ٹکڑے کہیں سیلاب رکھے ہیں

فارغ بخاری

بپھرے پانی کی موجیں ہر گھر کی چھت پہ رقصاں ہیں
خیر مناؤں کس کس کی سب شہر مرے سیلاب میں ہیں