حیدر علی آتش

غرورِ عشق زیادہ غرورِ حسن سے ہے
ادھر تو آنکھ بھری دم ادھر روانہ ہوا
نہ پوچھ حال مرا چوبِ خشک صحرا ہوں
لگا کے آگ مجھے کارواں روانہ ہوا
بیتاب ہے کمال ہمارا دل حزیں
مہماں سرائے جسم کا ہو گا روانہ کیا

عرفان صدیقی

تمام جلنا جلانا فسانہ ہوتا ہوا
چراغ لمبے سفر پر روانہ ہوتا ہوا
اب آپ لوگ سود و زیاں سوچتے رہیں
بندہ تو چوتھی سمت روانہ بھی ہوتا ہے
چمک رہا ہے افق تک غبارِ تیرہ شبی
کوئی چراغ سفر پر روانہ ہو گیا ہے

مجید امجد

طلوعِ صبح کہاں، ہم طلوع ہوتے گئے
ہمارا قافلۂ بے درا روانہ رہا
ہائے وہ ایک شام کہ جب مست، نے بلب
میں جگنوؤں کے دیس میں تنہا روانہ تھا