حیدر علی آتش

عشق بے درد سے کرنے کو کہا تھا کس نے
سر کو ٹکرا کے نہ دل درد کے مارے توڑے

جگر مراد آبادی

سبھی انداز حسن پیارے ہیں
ہم مگر سادگی کے مارے ہیں

عرفان صدیقی

موجِ خوں سوچ میں ہے پار اتارے کس کو
شہر کا شہر ہی مقتول ہے مارے کس کو

جمال احسانی

دھرتی پر سب درد کے مارے کس کے ہیں
آسمان پر چاند ستارے کس کے ہیں

تلوک چند محروم

ہجراں کی شب جو درد کے مارے اداس ہیں
ان کی نظر میں چاند ستارے اداس ہیں

حفیظ جالندھری

نہ دے فرصت دم زدن او زمانے
نئے سے نیا تیر مارے چلا چل
کہاں سے چلا تھا کہاں تک چلے گا
چلا چل مسافت کے مارے چلا چل
بیتاب تیرے درد سے تھے چارہ گر حفیظؔ
کیا جانیے وہ درد کے مارے کہاں گئے

سیف الدین سیف

محفل میں کس کو تاب حضور جمال تھی
آئے تری نگاہ کے مارے چلے گئے

شکیل بدایونی

کہیں حسن کا تقاضا کہیں وقت کے اشارے
نہ بچا سکیں گے دامن غمِ زندگی کے مارے

عزیز حامد مدنی

یہ بھی کیا رنگ ہے اے نرگس خواب آلودہ
شہر میں سب ترے جادو کے ہیں مارے ہوئے لوگ

احمد فراز

یوں ہی مر مر کے جئیں وقت گزارے جائیں
زندگی ہم ترے ہاتھوں سے نہ مارے جائیں
کہتے ہیں یہ دار و رسن کا موسم ہے
جو بھی جس کی گردن مارے ، مت لکھو
وہ لکھو بس جو بھی امیرِ شہر کہے
جو کہتے ہیں درد کے مارے مت لکھو

کلیم عاجز

موت سے کھیل کے کرتے ہو محبت عاجزؔ
مجھ کو ڈر ہے کہیں بے موت نہ مارے جاؤ